СӨРӨГ ХҮЧИН СУЛБАГАР БАЙНА

Сөрөг хүчин бүлгийн хурлаа цагтаа хийдэггүй болоод удаж байна. Засгийн газар болоод Парламентын үйл ажиллагаанд хяналт тавьж сайн ажиллах ёстой тэд ажилдаа хайнга хандаж хуралдахгүй, хуулийн төслийн хэлэлцүүлэгт идэвхитэй оролцохгүй байгаа юм. Өнөөдөр мөн л УИХ дахь Ардчилсан намын бүлэг ирц хүрээгүй тул хуралдсангүй. Есөн гишүүнтэй тус бүлгийн дэд дарга УИХ-ын гишүүн Ж.Батзанданд ар гэрийн гачигдал тохиолдож, чөлөө авчээ. УИХ-ын гишүүн З.Нарантуяа гадаад томилолттой байгаа бол Ардчилсан намын дарга С.Эрдэнэ дотоод томилолттой гэдэг шалтгаанаар төрийн ордонд ирээгүй байна.