СИРИЙН АРМИ ИЗРАЙЛЫН ЦОХИЛТОД БЭЛДЭЖ БАЙНА

Сирийн зэвсэгт хүчин нь Израйлын армийн зүгээс агаарын цохилт цохилт өгч магадгүй гэж хүлээн байлдааны бэлэн байдалд ороод байгаа тухай "Al-Masdar News" мэдээлж байна.

Сүүлийн үед Израйлын нутаг руу удаа дараалан пуужин харвасан явдалд израйлчууд Сири дэх Ираны цэргийн ангиудыг буруутгаж байгаа тул ойрын үед Дамаскт агаараас цохилт өгч магадгүй байгаа аж. Сирийн зүгээс Израйл руу пуужин харвасан тохиолдолд ямар ч холбогдолгүй гэж мэдэгдсэн. Улмаар есдүгээр сарын 9-нд Сирийн нутаг руу агаарын цохилт өгч тус улсын нутагт Ираны дэмжлэгтэй байлдааны ажиллагаа явуулж байсан Иракийн зэвсэгт бүлэглэлийн 18 цэрэг амиа алдсан явдалд Израйлыг буруутгасан байна.

Сирийн иргэний дайн 2011 онд эхэлсэн. Нэг талд нь Ерөнхийлөгч Башар Асад, түүнд үнэнч арми байгаа бол нөгөө талд нь АНУ, Европын холбооны дэмждэг сөрөг хүчин байгаа бол "Лалын улс" алан хядах бүлэглэл гуравдагч хүч.