ТРАМП ТУСЛАХГҮЙ ГЭВЭЛ КОНГРЕСС ТУСАЛНА

Америкийн Ерөнхийлөгч нь Украйны армид тусламж болгон өгч байгаа мөнгөний зарцуулалтыг шалгах хугацаанд өмнө нь амлаад байсан 250 сая долларыг өгөхөө түр зогсоох шийдвэр гаргасан. Шалгалтын дүнгээр украйнчууд Америкийн өгсөн мөнгийг зориулалтын бус зарцуулж байна гэж үзвэл тусламж олгохгүй байж магадгүй болсон. Иймд АНУ-ын Конгрессын гол хоёр намын төлөөлөгчид хэрэв Трамп Украйны армид тусламж олгохоо зогсоовол тусгай шийдвэр гарган 250 сая долларын тусламж үзүүлнэ гэдгээ мэдэгдлээ. Бүгд найрамдах ба Ардчилсан намын сенатчидын хамтарсан хэвлэлийн бага хурал дээр сенатч РонЖонсон "Хэрэв тэр энэ мөнгийг өгөхгүй гэвэл Конгресс дахь хоёр талууд энэ шийдвэрийг эсэргүүцэн мөнгө олгоно гэдэгт итгэлтэй" гэж мэдэгджээ.

Долоодугаар сард өгөх гэж байсан 250 сая доллароор Киевт одоо явагдаж байгаа цэргийн албан хаагчдын сургалтад шаардлагатай тоног төхөөрөмж, мэргэн буучийн буу, гранат шидэгч, радар, холбооны тоноглол, шөнийн дуран харай зэрэг зүйлсийг нийлүүлэх юм. Үүнээс гадна Украйн нь Америкийн Төрийн департаментын шугамаар 2019 онд армиа хөгжүүлэхэд 445 сая долларын тусламж авна. АНУ нь сүүлийн таван жилийн хугацаанд Украйны батлан хамгаалах чадварыг сайжруулахад нийт 1,5 тэрбум долларын буцалтгүй тусламж олгоод байгаа юм.