ЯПОН ЦАЦРАГ ИДЭВХТ УСАА ХЭРХЭХ ТАЛААР ШИЙДЭЭГҮЙ БАЙГАА

Японы сайд нарын танхимын Ерөнхий нарийн бичгийн дарга Есихидэ Суга нь хэвлэлийн бага хурал хийх үеэрээ осол гарсан "Фукусима-1" цөмийн станцын газар тусгай санд хуримтлагдаж байгаа цацраг идэвхт усыг хэрхэн талаар хараахан шийдвэр гаргаагүй байгаа тухай сэтгүүлчдэд мэдэгджээ. Тэрээр "Одоогоор энэ асуудлын талаар тодорхой шийдвэр гаргаагүй байгаа. Засгийн газрын тусгай хороо энэ сэдвийг судалж байгаа" гэсэн байна.

Үүнээс өмнө Японы байгаль орчны сайд ЁсиакиХарада нь хуримтлагдсан цацраг идэвхт усыг далай руу асгахаас өөр арга байхгүй гэж мэдэгдээд байсан нь дэлхийн нийтийн анхаарлыг татаад байсан билээ.

Судлаачдын тооцоолсноор цацраг идэвхт ус бүхий газар дээрх усан сангууд нь 2022 оны зун гэхэд бүрэн дүүрнэ.

2011 оны гуравдугаар сард Японд болсон газар хөдлөлтийн дараа үүссэн цунами "Фукусима-1" цөмийн цахилгаан станцыг гэмтээн хөргөлт ба эрчим хүчний хангамжийн системийг нь ажиллагаагүй болгосон. Үр дүнд нь цөмийн гурван реактор дах түлш нь хайлж, хамгаалалтын хүрээг түлэн гадагшилсан. Энэ үеэр устөрөгчийн дэлбэрэлт болж, их хэмжээний цацраг идэвхт бодис алгадсан нь станцын ойр орчмыг бохирдуулсан байдаг.

Одоогийн байдлаар цахилгаан станцыг тойрсон газар орныг цацраг идэвхт хаягдлаас цэвэрлэх, станцыг үлдэгдлийг татан буулгах ажил явагдаж байна. Энэ жил 2040 он гэхэд бүрэн дуусна гэж төлөвлөгдсөн байгаа.