МЕКСИКИЙН ХАР ТАМХИНЫ МАФИУД ГАЗАР, НУУЦ ХОНГИЛУУДЫН ТӨЛӨӨ ДАЙТАЖ ЭХЭЛЖЭЭ

Мексикийн хар тамхины бүлэглэлүүд АНУ-ын нутаг руу хүргэдэг газар доогуурх нууц хонгилуудын төлөө дайтаж эхэлсэн тухай "The Daily Mail" мэдээлсэн байна. Өмнө нь эдгээр хонгилыг "ЭльЧапо" буюу "Атигар" хочтой ХоакинГусманы толгойлж байсан "Синалола" бүлэглэлийн мэдэлд байжээ. АНУ-ын шүүхээс "Атигар"-д бүх насаар нь хорих ял оноож, бүлэглэлийнх нь нөлөө буурснаас ийнхүү дайн эхэлсэн аж.

ХоакинГусман нь баривчлагдахаасаа өмнө нууц хонгилуудаар Мексикээс 12 тэрбум долларын мансууруулах бодис АНУ руу нууцаар оруулж амжсан байна.. Түүний бүлгийн гишүүд нь Мексикийн хилийн цаанаас Америк руу нууцаар нэвтрэх 50 орчим нууц хонгил ухсан гэж үздэг. Тэрээр хонгил байгуулахын тулд өөрийн хүмүүсээ Германд уул уурхайн инженерээр сургаж байсныг тогтоосон. Зарим хонгил нь 800 метр урт, дотроо тусгай лифтээр тоноглогдсон, агааржуулалт, цахилгаанаар хангагдсан байжээ.