ХҮҮХЭЛДЭЙН КИНОНЫ ДҮРТЭЙ АДИЛ БОЛОХ ГЭЖ 53 МЯНГАН ФУНТ ЗАРЦУУЛЖЭЭ

Америкийн Флорид мужид амьдардаг Instagram-модель нь дуртай хүүхэлдэйн киноныхоо дүртэй адил болох гэж гоо сайхны хагалгаанд 53 мянган фунт зарцуулаад байгаа тухай "The Sun" мэдээлж байна. Линди Ли Нунциато гэгч 31 настай бүсгүй нь гоо сайхны хагалгаа хийлгэн ер бусын бие галбиртай болсноо олон нийтийн сүлжээгээр сурталчилсаар сая гаруй дагагч, дэмжигчтэй болсон байна. Тэрээр "Рожер туулайг хэн мэхлэв?" хүүхэлдэйн кинонд гардаг Жессика Рэббиттэй адилхан болохыг багаасаа хүсдэг байж. Иймд гоо сайхны янз бүрийн хагалгаа, түүний дотор хөх томруулан гурван удаагийн хагалгаа хийлгэхэд нийт 53 мянган фунт зарцуулаад байгаа аж.

Тэрээр анхны хагалгаагаа 19 насандаа хийлгэсэн бөгөөд энэ талаар "Би бүр багаасаа л том хөхтэй болохыг мөрөөддөг байсан. Жессика Рэббитээс болоод тэр шүү дээ. Би "Instagram"-аар дамжуулан дэлхий даяар өөрийгөө гайхуулах надад таалагддаг. Залуучууд өдөр болгон л сууя гэдэг юм" гэжээ. Гоо сайхны мэс засалд их мөнгө зарцуулсан хэдий ч шүтэн бишрэгчдийнх нь бэлэг сэлт, анхаарал тэр мөнгийг нь хэдийн нөхсөн тухай ч ярьсан байна.

Ли Нунциато нь биеийнхээ галбирт онцгой анхаарал тавьдаг бөгөөд өглөө болгон гүйдэг, оройт зааланд бэлтгэл хийдэг. Гэхдээ тэрээр нүүрэндээ хэзээ ч гоо сайхны хагалгаа хийж байгаагүй гэдгээ онцолжээ. Харин өөрийг нь дэмждэг охид, бүсгүйчүүдэд хандан түүнийг шууд дуурайх хэрэггүй, гоо сайхны хагалгаа хийсний дараа ямар үр дагавар үүсэх талаар сайтар эргүүлэн бодохыг зөвлөөд "Олон нийтийн сүлжээнд анхаарал татаж, хүлээн зөвшөөрөгдөхийн тулд ийм зүйл хийх хэрэггүй шүү" гэжээ.