2020 ОНЫ ОЛИМПЫН ТОГЛОЛТЫН ҮЕЭР МИЛИТАРИЗМЫН БЭЛГЭДЛИЙН АШИГЛАХГҮЙ БАЙХЫГ УРИАЛАВ

Н.Мижидмаа

2019/09/06

Өмнөд Солонгосын Үндэсний олимпын хороо нь Япон улсад хандан 2020 оны зуны Олимпын тоглолтын үеэр "Мандах нар" гэж нэрлэгддэг бэлэг тэмдэг бүхий тух далбаа хэрэглэхгүй байхыг уриалсан тухай "Associated Press" агентлаг мэдээлж байна.

Өмнөд Солонгосын Олимпын хорооны албан тушаалтнууд наймдугаар сард Токио хотноо явагдсан хуралдаанд оролцох үер хүсэлтээ Зохион байгуулах хороонд гаргасан байжээ. Гэвч Олимпиадын зохион байгуулагчид нь 16 цацраг бүхий улаан нарыг дүрсэлсэн далбааг ашиглахыг хориглох боломжгүй гэсэн хариу өгсөн байна. Үүнийг тайлбарлахдаа "Мандах нарны далбаа нь Японд өргөн ашиглагддаг бөгөөд улс төрийн тунхаг мэдэгдэл гэж авч үздэггүй тул хориотой зүйлд тооцогддоггүй" гэж.

Өмнөд Солонгос нь энэхүү далбааг Дэлхийн хоёрдугаар дайны үеэр Японы эзэнт гүрний гаргаж байсан зэрлэг балмад авирын бэлгэ тэмдэг гэж үздэг.

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Шинэ мэдээ