ДЭЛХИЙН АНХНЫ ТООН ВАЛЮТЫГ ЭРГЭЛТЭД ОРУУЛАХ ГЭЖ БАЙНА

БНХАУ-д дэлхийд анх удаа улсын тоон валютыг гаргаж, эргэлтэд оруулах гэж байгаа тухай "China Daily" мэдээлж байна. Хятадын Ардын банкны нэрээ нууцалсан эх сурвалж нь төв банкны тоон валютыг эхний үедээ зөвхөн дотоодын зах зээлд төлбөр тооцоо хийхэд ашиглана гэж мэдэгдсэн байна. Дараа нь тоон валютын ханшийг бодит мөнгөтэй холбох бөгөөд хил давуулан гүйлгээ хийхийн тулд хилийн чанад дахь хамтрагч нартайгаа үйл ажиллагаагаа уялдуулах хэрэгтэй болно гэжээ. Тоон хэлбэрээр гаргах шинэ валют нь Хятадын Төв банкны үнэт активуудаар баталгаажсан, хууль ёсны төлбөрийн хэрэгсэл байх болно. Энэ валютыг одоогоор туршилтын журмаар ашиглаж байгаа аж.