ТРАМПЫГ ТАНОС-ТОЙ ЗҮЙРЛЭВ​

Иран улсын Мэдээллийн технологийн сайд Жавад Азари Жахроми нь Америкийн Ерөнхийлөгч Дональд Трампыг "Marvel"-ийн зурагт номны муу талын супер баатар Таностой зүйрлэжээ. Жавад Азари Жахроми нь есдүгээр сарын 4-нд Twitter хуудсандаа сансар огторгуйн мананцарын зургийг байршуулан "Энэ зураг дээрээс Сансарын эсрэг авсан хориг арга хэмжээг бүү хэл АНУ-ыг ч олж харсангүй. Орчон ертөнц, сансар огторгуй ганц цөөд хэдэд бус бүгдэд нь зориулагдсан юм шүү. Таносыг дуурайхаа боль Дональд Трамп" гэж бичжээ. АНУ нь есдүгээр сарын 3-нд Ираны сансар судлалын салбарыг хар жагсаалтад оруулан хориг арга хэмжээ авч байгаагаа мэдэгдсэн юм. Үүнд, Ираны сансрын судалгааны төв, Агаарын орон зайн судалгааны хүрээлэн, Ираны сансрын агентлаг оржээ. Ингэснээр эдгээр байгууллага болон тэнд ажилладаг хүмүүсийн Америкийн нутагт байгаа бүх хөрөнгийг битүүмжилж байгаа юм.