УКРАЙНЫ ПАРЛАМЕНТ ГИШҮҮДИЙНХЭЭ ХАЛДАШГҮЙ БАЙДЛЫГ ХАЛАХ ШИЙДВЭР ГАРГАВ

Украйны парламент болох Дээд Рада нь гишүүдийнхээ халдашгүй байдлыг цуцлах тухай өөрчлөлтийг Украйны улсын Үндсэн хуульд оруулахыг дийлэнхийн саналаар дэмжсэн байна. Ингэснээр гэмт хэрэгт үйлдсэн Радагийн гишүүдэд эрх зүйн хорооны зөвшөөрөл, бусад гишүүдийн санал асуулга явуулалгүйгээр эрүүгийн хэрэг үүсгэх боломжтой болж байгаа юм.

Гэхдээ Украйны Ерөнхийлөгч Зеленский нь энэхүү хууль батлагдлаа ч парламентын гишүүдийн улс төрийн шийдвэр гаргахад оролцсон, санал өгсөн, олон нийтийн өмнө үг хэлсэн, улс төрийн мэдэгдэл хийсэн зэрэг үйлдлийн төлөө эрүүгийн хэрэгт татахгүй байх дархлаа нь хэвээр үлдэнэ гэдгийг албан ёсоор мэдэгдсэн юм.

Украйны улс төрийн өндөрлөгийг авлигад хэт автсан, парламентын гишүүд нь халдашгүй эрхээр бамбай хийн авлигын гэх мэт янз бүрийн хэрэгт хариуцлага хүлээхээс зайлсхийж байна гэж шүүмжлүүлж байсан юм.