ДЭЛХИЙН ХУДАЛДААНЫ БАЙГУУЛЛАГАД АМЕРИКИЙН ЭСРЭГ ЗАРГА ҮҮСГЭЖЭЭ

БНХАУ нь Америкийн Засгийн газар бүтээгдэхүүнүүдэд нь нэмэлт татвар ногдуулсантай холбогдуулан Дэлхийн худалдааны байгууллагад хандан зарга үүсгэсэн тухай Хятадын Худалдааны яам мэдээлсэн байна.

Энэ бол Хятадаас Дэлхийн худалдааны байгууллагад хандан гаргаж байгаа Америкийн эсрэг гурав дахь удаагийн зараг юм. ДХБ-ын дүрмээр тодорхой нэг орны эсрэг худалдааны хориг тогтоохыг хориглосон гэж Бээжин мэдэгдэж байгаа. Харин америкчууд Хятадыг ДХБ-ын мэдэлд багтдаггүй оюуны өмчийн хулгайн хариуд шийтгэж байгаа гэж мэдэгдэж байгаа юм. Мөн Хятадын эсрэг авч байгаа худалдааны хориг нь олон нийтийн ёс суртахууныг хамгаалахад чиглэсэн тул мөн л ДХБ-ын мэдэлд орохгүй зүйл гэж тайлбарлаж байгаа.

Ямар татвар нь ДХБ-ын мэдлийн хүрээнд багтаад ямар нь багтахгүй талаар шинжээчид янз бүрийн байр суурьтай байгаа ч дийлэнх нь Америктай санал нийлэхгүй байгаа юм. Гэвч эдгээр шинжээчид нь Хятадын зүгээс хариу болгон татвараа нэмж байгааг мөн л ДХБ-ын дүрмийг зөрчсөн хэрэг гэж үзэж байгаа аж.

Үүнээс гадна Хятадын бараан бүтээгдэхүүний гаалийн татварыг нэмэгдүүлж байгаад Америкт эсэргүүцэл илэрхийлсэн байна. Хятад нь олон улсын худалдааны талбарт эрх ашгаа хамгаалаан нээлттэй бодлого явуулсан хэвээр байна гэдгээ онцолжээ.