ИХ БРИТАНИ ПЕРСИЙН БУЛАНД ЦЭРГИЙН ДРОН БАЙРШУУЛНА

Их Британи нь Ирантай харилцаа муудаж байгаа нөхцөлд Персийн булан руу цэргийн дрон илгээх боломжийг судалж байгаа тухай "Sky News" суваг мэдээлж байна.

Бахрейн дахь Британийн Тэнгисийн цэргийн хүчний удирдлагын Дин Бассет нь Персийн буланд байдал түгшүүртэй байгаа тухай мэдэгдэж. Тэрээр "Британийн худалдааны усан онгоцнуудад шууд аюул заналхийлсэн хэвээр. Иран олон улсын хэмжээнд хүлээсэн хариуцлагаа дагаж мөрдөнө гэх өчүүхэн зүйл ч ажиглагдахгүй байна. Вангийн тэнгисийн цэрэг, манай усан цэргүүд, тэнгисийн явган цэргүүд, миний удирдлага дор байгаа усан онгоцнууд байлдааны энэ талбарт Британийн худалдааны усан онгоцнуудыг хамгаалахад дээд зэргээр бэлэн" гэжээ.

Худалдааны усан онгоцнуудын аюулгүй байдлыг хангахын тулд Сири ба Иракийн нутаг дээгүүр эргүүлийн нислэг хийлгэхээр Кувейтэд байршуулан дронуудыг Бахрейн руу шилжүүлэн байршуулж магадгүй юм байна. Дронууд нь Ормузын хоолойгоор дайран өнгөрч байгаа Британийн тугтай худалдааны онгоцнуудыг хамгаалахад туслах үүрэг гүйцэтгэх аж.

Зургаадугаар сарын 13-нд газрын тос тээвэрлэгч хоёр усан онгоц дайралтад өртсөний дараа Британи нь өөрийн худалдааны болон байлдааны усан онгоцнуудын хамгаалалтыг сайжруулахын тулд Персийн булан руу 100 тэнгисийн явган цэрэг нэмж илгээх шийдвэр гаргаад байсан юм.