​АНУ ТАЛИБУУДТАЙ ТОХИРОЛЦООНД ХҮРЭХ ОЙРХОН БАЙНА

АНУ-ын Тусгай төлөөлөгч Залмай Халилзад нь Афганистаны хэт даврагч үзэлтэй "Талибан" хөдөлгөөнтэй хийж байгаа хэлэлцээний ес дэх удаагийн уулзалт дуусан тухай мэдэгдэн байна. Халзад нь одоо зөвлөлдөхөөр Кабул руу буцаж байгаагаа онцлоод "Бид Дохад "Талибант"-ай хийсэн ес дэх удаагийн уулзалтаа дуусгалаа. ... Талууд бүс нутагт хүчирхийллийг багасгаж, тогтвортой энх тайвны талаар байр сууриа тааруулахын тулд афганичуудад хэлэлцээрийн ширээний ард суух боломж олгох тохиролцлоо байгуулахад тун ойрхон байна" гэжээ. Үүнээ өмнө талууд нь 11 зүйлээс бүрдсэн тохиролцооны талаар хэлэлцээ хийхээр санал нийлсэн тухай "Ariana News" мэдээлж байсан. Тохиролцож бүрэн дуусмагц түүнд АНУ-ын Төрийн нарийн бичгийн дарга Майк Помпео, "Талибан" хөдөлгөөний Доха хот дахь улс төрийн удирдлагын тэргүүн Мулла Барадар нар гарын үсэг зурж баталгаажуулах ёстой аж. Дохад явагдаж байгаа цуврал уулзалтуудын үеэр Афганистаны газар нутгийг АНУ болон бусад улс руу алан хядах дайралт хийхэд ашиглахгүй гэсэн баталгааны хариуд Америкийн цэргийн гаргах хугацааны талаар тохиролцохыг хичээж байгаа юм байна.