ЦЭРГИЙН НИСГЭГЧ БҮСГҮЙГ АЛБАН ЁСНЫ ТАТВАРАА БОЛГОЖЭЭ

Тайландын хааны ордноос X Маха Вачиралонгкорна Рама хааны албан ёсны татвар болсон эмэгтэйг олон нийтэд албан ёсоор танилцуулж, зургийг нь хэвлүүлсэн тухай "South China Morning Post" сонин мэдээлж байна. Энэ оны тавдугаар сард ээлжит удаагаа гэрлэсэн Тайландын хааны албан ёсны татвар Сининат Вонгважирапакди нь 1985 онд Тайландын хойд нутагт төрсөн. Тайландын Хааны армийн сувилагч нарын сургуулийг төгсөөд цэргийн нисгэгчийн сургуульд элсэн суралцсан. Дараа нь хааны хувийн биеэ хамгаалах албанд ажиллаж байсан. Хаантай танилцах үед дэслэгч цолтой болсон бол амрагийн харьцаа тогтоосны дараагаар хошууч генерал цол авсан төдийгүй сүүлийн 100 орчим жил хэнд ч олгож байгаагүй Хааны албаны ёсны татвар гэсэн цолтой болсон гэнэ.Тайландын хаан Маха Вачиралонгкорн нь дөрвөн удаа гэрлэж байжээ. 1977 онд хунтайж байхдаа үел Мом Луанг Соамсавали Китиякара гүнжтэй гэрлэсэн. Гэрлэлт удаагүй бөгөөд гурван жирлийн дараа хоёр тийш болсон. Албан ёсоор энэ гэрлэлтийг 1993 онд цуцалсан. Гэр бүлээ цуцлуулсны дараагаар хаантан амрагийн холбоотой байсан жүжигчин Ювадхида Полпрасетэй 1994 он гэрлэсэн ч хатан нь хоёр жилийн дараа Их Британи руу зугатсан. Хаантан нь жүжигчин хатнаа Тайландын нисэх хүчний маршал Ананд Ротсамхан гэгч 60 настай хүнтэй амрагийн харилцаа тогтоосон гэж буруутгасан юм. Ингээд эхнэрээ зугтсаны дараагаар хаантан ихэд хилэгнэж Фу Фу нэртэй нохойгоо нисэх хүчний маршал цолоор шагнасан байдаг. Үүний дараа Срирасми Акхарапхонгпричу гэдэг харц гаралтай эмэгтэйг хатнаа болгосон. Гэвч 2014 онд хатнаа авлигын хэрэгт буруутган цолыг нь хураан авч салсан. Үүний дараа 2019 оны тавдугаар сард бие хамгаалагчдыг нь даргалж байсан генерал Сутхида Вачиралонгкорн гэдэг эмэгтэйтэй гэрлээд байсан юм.