​191 КГ ЖИНТЭЙ ЭМЭГТЭЙ 18 САРЫН ДОТОР 84 КГ ТУРЖЭЭ

Британийн Бриженд хотод амьдардаг Карина Данфорд гэгч 35 настай эмэгтэй 18 сарын дотор 84 кг турсан тухай "Daily Mirror" мэдээлсэн байна. Карина дөрвөн жилийн өмнө нөхөрт гарсан бөгөөд түүнээс хойш шоколад, чипс гэх мэт эрүүл бус хүнс маш ихээр хэрэглэх болжээ. Тэрээр энэ тухайгаа "Надад юу ч хийх хүсэл байгаагүй. Би зүгээр л цадтал идээд, уугаад л байхыг хүсдэг байлаа" гэжээ. Ийм хоолны дэглэмийн үр дүнд Карина 191 кг хүртэл таргалсан байна. Үр дүнд нь гэрээс гарч чадахаа байсан төдийгүй нөхрийнхөө туслалцаагүйгээр гэрт дотроо ч явж чадахгүйд хүрчээ. Карина "Нөхөр маань намайг өдөр болгон шүршүүрт оруулж хувцас өмсгөж өгдөг болсон. Тэгсээр нөхөр биш миний асрагч болж хувирсан. Мэдээж энэ бүхэн түүнд таалагдаагүй" гэжээ. Карина ийм амьдралаас залхаад 2018 оны нэгдүгээр сард турах хөтөлбөрт бүртгүүлжээ. Тэндээ хоёр долоо хоногийн турш тураах хоолны дэглэм уйгагүй мөрдөж байгаад 5 кг турсан. 191 кг жинтэй байсан хүнд 5 кг гэдэг мэдээж хангалтгүй. Иймд Карина үргэлжлүүлэн турахаар шийдэж чармайсаар 18 сарын дотор 107 кг жинтэй болтол туржээ. Тэрээр цаашдаа ч жингээ хасч, оны сүүл гэхэд ахин 30 кг хасах төлөвлөгөөтэй байгаа юм байна.