​20 ЖИЛИЙН ДАРАА ХҮМҮҮС ДОЛОО ХОНОГТ 12 ЦАГ АЖИЛЛАДАГ БОЛНО

"Alibaba" компанийн үүсгэн байгуулагч Жек Ма нь ирээдүйд хүмүүс долоо хоногт 12 цаг ажилладаг болно гэж мэдээлснийг Хятадын "Caijing" сэтгүүл уламжилжээ. Жек Ма нь Шанхайд болсон "World Artificial Intelligence Conference" сэдэвт зөвлөгөөнд оролцохдоо "Дараагийн 20-30 жилд биотехнологи нь хүнийг 100-120 жил наслах боломж олгох тул хүний амьдрал илүү уртасна. Хүмүүс их ажиллах шаардлагатай болдог байсан тул ирээдүйд өдөрт 4 цагаар долоо хоногт 3 өдөр ажиллахад л хангалттай болно" гэжээ. Жек Ма нь өөрөө өглөө есөөс орой ес хүртэл долоо хоногт зургаан цаг ажиллахыг заадаг 996 гэсэн дэглэмийг баримталдаг гэдгээрээ зартай. Тэрээр "Дэлхий дээр хүн бүр л амжилтад хүрч, илүү сайхан амьдралыг хүсч, бүгд л хүндлүүлэхийг хүсдэг. Ийм байхад та бусдаас илүү чармайлт гаргаж илүү олон цаг ажиллахгүй юм бол яаж амжилтад хүрэх юм бэ? гэж би бүгдээс нь асууя" гэж байсан хүн. Жек Ма нь 1999 онд электрон арилжааны "Alibaba Group"-ийг үүсгэн байгуулсан юм. Тэрээр мөн "Alibaba Pictures" кино компани, "Alibaba.com" онлайн худалдааны төв, "AliExpress.com", "Taobao.com", "Tmall.com" гэсэн интернет дэлгүүрүүдийг эзэмшдэг.