УЛСТӨРЧДИЙГ ХАМГИЙН НАЙДЛАГАГҮЙ ХҮМҮҮС ГЭЖ ҮЗЖЭЭ

Дани улсын "Radius" ТВ компанийн үзэгчдийнхээ дунд ямар мэргэжлийн хүмүүсийг шударга гэж үздэг талаар санал асуулга явуулжээ. Үзэгчид нь тухайн мэргэжлийн төлөөлөгчдийн шударга, хэлсэндээ хүрдэг байдлыг 5 хүртэлх оноогоор үнэлэх ёстой байж. Ингэтэл даничүүд улстөрчдийн шударга байдлыг ердөө 2,12 оноогоор "үнэлж" муу тавьжээ. Өөрөөр хэлбэл дани хүмүүс улстөрчдийг хамгийн найдлагагүй хүмүүс гэж үздэг юм байна.

Тус компанийн төлөөлөгч Николай Таудорж Андерсен энэхүү байр суурийг тайлбарлахдаа "Улстөрчид иргэдтэйгээ ойлголцолд хүрч чадаагүй хэвээр л байна. Тэд хүмүүст ойлгомжгүй хэлийг ашигладаг. Мөн тэд алдаагаа хүлээн зөвшөөрдөггүй" гэжээ. Копенгагений их сургуулийн улс төрийн сонгуулийн судлаач Каспер Мөллер Хансен нь жирийн дани хүмүүс бүр 2007 оны дэлхийн эдийн засгийн хямралын үеэс л улстөрчдөд итгэхээ больсон гэж үзсэн байна. Тэрээр "Өгсөн амлалтаа биелүүлэх нь тийм ч амар зүйл байдаггүйтэй энэ бүхэн холбоотой. Улстөрчдийн хувьд ард түмэнд хэт их зүйл амлахгүй байж сурах нь чухал юм" гэсэн зөвлөгөөг улстөрчдөд өгчээ. Мөн улстөрчдийг цаашдаа илүү найрсаг байж, бодит ойлгомжтой байр суурьтай болж, түрэмгий зан ба бусдыг дайрч доромжилдогоо больвол дунд алдсан нэр хүндээ сэргэх боломжтой гэсэн байна.