​БРАЗИЛЫН ЗАСГИЙН ГАЗАР G7-ИЙН ТУСЛАМЖААС ТАТГАЛЗАВ

Францад уулзсан дэлхийн хамгийн нөлөөтэй долоон орны тэргүүнүүд Бразилын ширэнгэн ойд гараад байгаа түймрийн унтраахад 18 сая еврогийн тусламж үзүүлэхээр болсон. Гэтэл Бразилын Засгийн газар нь энэ тусламжийг авахаас татгалзаж байгаагаа албан ёсоор мэдэгджээ. Бразилын Ерөнхийлөгчийн захиргааны тэргүүн Оникс Лорензони нь "Бид талархаж байгаа ч энэ хөрөнгийг Европын ойг сэргээхэд зарцуулах нь илүү зохимжтой байж болох юм. Макрон хүн төрөлхтний өв болсон сүмд гарч магадгүй гэгдэж байсан түймрээс сэргийлж чадаагүй байж яагаад манай улсад зааж сургах гээд байгаа юм бэ? Түүнд анхаарал тавих ёстой асуудал эх оронд нь болон Францын колониудад хангалттай олон бий" гэсэн байна. Францын Ерөнхийлөгчийн гаргасан санаачлагын дагуу Бразилын түймрийн асуудлыг "Их долоо"-ийн уулзалтын үеэр авч хэлэлцсэнд Бразилын Ерөнхийлөгч Жаир Болсонару ихэд дургүйцсэн билээ. Олон сая хүн амьдардаг, тусгаар тогтносон, хөгжилтэй улсын нутаг дээр гарч байгаа түймрийг унтраах асуудлыг хөндөхдөө тухайн улсынх Ерөнхийлөгч, Ерөнхий сайд гэх мэт төлөөлөгчидтэй зөвшилцөлгүй тусад нь шийдэж байгаад Болсонару ихэд дургүйцсэн. Үүнийг XVIII- XIX зууны үеийн колоничлолын үеийн их гүрнүүдийн дээрэнгүй авирыг санагдуулж байна гэж мэдэгдсэн юм.