ХОЙД СОЛОНГОСЫН ОЙН ТАЛБАЙ 10 ЖИЛИЙН ДОТОР 220 МЯНГА ГА-ААР БАГАСЖЭЭ

Сүүлийн 10 жилийн дотор Хойд Солонгосын ойн талбай 220 мянган га-аар багассан тухай "Yonhap News" мэдээлж байна. Наймдугаар сарын 27-нд Өмнөд Солонгосын Ойн шинжлэх ухааны үндэсний төвд болсон хэлэлцүүлгийн үеэр энэ тоог дурджээ. Хэлэлцүүлэгт Өмнөд Солонгосын Засгийн газар, шинжлэх ухааны хүрээлэл ба ТББ-уудын төлөөлөгч 150 хүн оролцож "Хойд Солонгосын ойн модны өнгөрсөн одоо ба ирээдүй" гэсэн сэдвээр санал бодлоо солилцжээ.

Энэхүү төвийн ажилтнууд нь сансраас авсан хиймэл дагуулын зураг ашиглан Хойд Солонгосын ойн модны талбайг 10 жил тутамд харьцуулан хянадаг. Сүүлийн жилүүдэд хийсэн ажиглалтаас үзвэл 1999 онд Хойд Солонгост үгүй болсон ойн талбай 1,63 сая га байсан бол 2008 онд 2,62 сая га болж огцом нэмэгдэн, 2018 оны байдлаар энэ талбай нь 2,84 сая га болсон байж. Мөн эдгээр жилүүдэд нөхөн сэргээсэн он талбай нь 1,47 сая га байсан байна.

Хойд Солонгосын ойн хамгаалах нь Өмнөдөд ч ашигтай тул цаашдаа хоёр улсын хамтын ажиллагааны хүрээнд ой хамгааллын салбарт дэмжлэг үзүүлэх бодолтой байгаа аж.