​ТУРКТ С-400 НИЙЛҮҮЛЭХ ХОЁРДУГААР ШАТ ЭХЭЛЖЭЭ

ОХУ нь С-400 зенитийн пуужингийн цогцолборын хоёр дахь батарейн элементүүдийг нийлжүүлж эхэлсэн тухай Турк улын Батлан хамгаалах яам мэдээлсэн байна. Тус мэдэгдэлд "Оросоос ирсэн онгоц "Мюртед" цэргийн нисэх баазад газардлаа. Нийлүүлэх ажиллагаа сарын турш үргэлжилнэ" гэж өгүүлсэн байна. С-400-ийн эхний батарейг долоодугаар сард нийлүүлсэн бөгөөд тэр үеэр Оросоос ачааны 30 онгоц ирж байсан юм. Турк улс нь 2,5 тэрбум доллараар С-400 системийн дөрвөн дивизион худалдан авах гэрээг 2017 онд байгуулсан байдаг. Энэ мөнгөний талыг нь Турк өгөх бол талыг нь ОХУ-аас авсар зээлээр өгөх юм. Туркийг Оросоос агаарын довтолгооноос хамгаалах систем худалдан авах болсонд америкчууд хамгийн ихээр бухимдсан. Америк нь энэхүү гэрээг нэн даруй цуцлах шаардлагыг Туркт удаа дараа хүргүүлж, цуцлаагүй тохиолдолд янз бүрийн хориг арга хэмжээ авна гэж сүрдүүлсэн ч Эрдоган нь Путинтэй байгуулсан гэрээгээ өөрчлөөгүй юм. ОХУ нь ойрын үед С-400 системээ Энэтхэгт нийлүүлж эхэлнэ.