АЛБАНИЙН ДЭЭРЭМЧИД АНГЛИЙН ШОРОНД ЖАРГАЖ БАЙНА ГЭНЭ

Британийн шоронд хоригдож байгаа Албанийн дээрэмчид хэрхэн жаргалтай амьдарч байгаагаа харуулсан бичлэгийг олон нийтийн сүлжээнд байршуулсан сайрхдаг болсон тухай "The Telegraph" сонин мэдээлжээ.

Гэмт хэрэг хийгээд шоронд хоригдох ял авсан ч торны цаана "жаргаж" байгаагаа харуулсан маш олон бичлэг "Instagram"-д тавигдсан байхыг тус сонины сэтгүүлчид илрүүлэн олон нийтэд ил болгосон байна. Шоронд гар утас ашиглахыг хориглосон байдаг ч албани дээрэмчид яаж ийгээд оруулсан төдийгүй тэндээс шууд бичлэг хийж сайрхжээ.

Энэхүү нийтлэл гарсны дараагаар шоронгийн удирдлага нь гар утаснуудыг хураан авч, "Instagram" дээрх бүртгэлүүдийг устгасан тухайгаа албан ёсоор мэдэгджээ.

Сүүлийн үед Британийн зүүн өмнөд хэсэгт албани дээрмийн бүлэглэлүүд жирийн иргэдийн гэр рүү зэвсэглэн тайрах гэмт хэрэг эрс нэмэгдээд байгаа юм байна. Тэд бэлэн мөнгө, үнэт эдлэлийг хулгайлаад түүнээс Албани руу хулгайгаар гарган хар зах дээр борлуулдаг аж. Одоогоор Британийн цагдаа нар Англид гэмт хэрэг үйлдсэн хэргээр Албанийн таван иргэнийн эрэн сурвалжилж байгаа аж. Статстик мэдээнээс үзвэл Их Британий шорон дахь гадаадын хамгийн нөлөөтэй дээрмийн бүлэглэл нь албанчууд болоод байгаа юм байна.