ИРАНЫ ЕРӨНХИЙЛӨГЧ G7-ИЙН УУЛЗАЛТЫН ҮЕЭР ФРАНЦАД ИРЖ ДУУЛИАН ТАРЬЖЭЭ

Францын Биарриц хотноо явагдаж байгаа "Их долоо"-ийн уулзалтын үеэр Ираны Ерөнхийлөгч Хасан Роухани Францад айлчилсан явдал мэдээллийн хэрэгслүүдийн анхаарлыг ихэд татлаа. Дональд Трамп Ираныг цөмийн зэвсэгтэй болох санаархлаасаа татгалзаагүй гэж буруутган энэ улсын эсрэг байлдааны ажиллагаа явуулж магадгүй эгзэгтэй үеэ тул сонирхохоос өөр аргагүй.

Гэвч АНУ, Ерөнхийлөгч Трамп нь өөрт хамгийн ашигтай гэж үзсэн нөхцөлд, өөрийн болзлыг тулган хүлээлгэх байдлаар л хэлэлцээ хийх сонирхолтойгоос хэн нэгний гэнэтийн бэлэг, тулган хүлээлт дор хэзээ ч хэнтэй уулзахгүй. Тэр тусам өөр улсын шахалтаар уулзалт хийж, Ирантай энхийн гэрээ байгуулсан ялалтыг өөр улсад өгөхийг зөвшөөрөхгүй нь ойлгомжтой.

Иймд Ираны Ерөнхийлөгч "Их долоо"-ийн уулзалтын үеэр Францад айлчилсныг тун таагүй хүлээж авсан нь мэдээж. Иймд Францын Ерөнхийлөгч Макрон энэ талаар тайлбар хийх шаардлагатай болжээ. Тэрээр "Ираны удирдагч Роуханийн тухайд гэвэл G7-д тэргүүлж байгаа улсын урилгаар бус харин ТББ-уудын урилгаар Францад хүрэлцэн ирсэн юм шүү" гэжээ. Гэхдээ Дональд Трамп нь Макроны хамтаар "Их долоо"-ийн үр дүнгийн талаар хэвлэлийн бага хурал явуулахдаа Ираны Ерөнхийлөгчтэй уулзах боломж байж болох талаар мэдэгдсэн байна. Тэрээр "Хэрэв нөхцөл байдал зөв, нааштай байвал би уулзахыг зөвшөөрөх байсан" гэжээ.