​ИХ ДОЛОО -ГИЙН УУЛЗАЛТ ЭХЭЛЛЭЭ

"Их долоо" гэж нэрлэгддэг дэлхийн хамгийн баян, нөлөө бүхий долоон гүрний удирдагч нарын уулзалт Францын Биарриц хотноо эхэллээ. Уулзалтын хүрээнд маш олон хоёр талын уулзалт, ярилцлага боллоо. Уулзалтыг зохион байгуулж буй Францын Ерөнхийлөгч Эммануэль Макрон нь бусад уригдсан улс орны төрийн тэргүүнүүд, олон улсын байгууллагуудын удирдлагууд хүрэлцэн ирж, өргөн хүрээтэй хэлэлцүүлэг болохоос өмнө G7-ийн дунд чухал асуудлуудаар үзэл бодлоо солилцоход онцгой анхаарна гэсэн юм. Иймд их долоогийн зарим гишүүн онгоцноос буунгуутаа л шууд хоёр талын уулзалтад орсон байна. Хамгийн түрүүнд АНУ-ын Ерөнхийлөгч Трамп, Францын Ерөнхийлөгч Макрон нарыг төлөвлөгөөгүй хоёр талт уулзалт боллоо. Ажил хэргийн үдийн зоог хэлбэрээр зохион байгуулагдсан уулзалтын үеэр хоёр улс хоорондын арилжаа, экологийн асуудлыг хөндөнө гэж Макрон мэдэгдэж байсан. Уулзалтын дараагаар хоёр орны удирдагч Ираны асуудал, олон улсын арилжааны талаар олон байр суурь ойролцоо болсон гэж тухай мэдээллийг сэтгүүлчид авчээ. Үүний дараа Францын Ерөнхийлөгч нь бас нэгэн төлөвлөгдөөгүй хоёр талт уулзалт хийж Японы Ерөнхий сайд Шинжо Абэтэй уулзсан байна. Энэ уулзалтын талаар ямар сэдэв хөндсөн талаар яригдсангүй. Үүний дараа Макрон нь Германы Канцлер Ангела Меркельтэй хоёр талт уулзалт явуулав. Мөн энэ үеэр Европын бүх удирдагчдын хооронд уулзалт зохион байгуулсан. Мөн Их Британийн Ерөнхий сайд Жонсон, Канадын Трюдотой нүүр тулан уулзаж Хонконгийн жагсаал, Амазоны түймрийн талаар санал бодлоо солилцжээ. Европын холбооны зөвлөлийн тэргүүн Дональд Туск нь тус чуулга уулзалтын үеэр нэн тэргүүнд хөндөгдөх асуудлын талаар хэвлэлийн бага хурал хийсэн цорын ганц хүн болсон. Тэрээр "Их долоо"-ийн гишүүд ярилцах хамгийн гол сэдэв нь хоорондоо худалдааны дайн дэгдээхгүй байх явдал гэсэн байна. Мөн Брексит, Өмнөд Америкийн нэгдсэн зах зээлийн гишүүн орнуудтай хийх тохиролцоо, Бразилийн ойн түймрийн асуудлыг хөндөнө гэж мэдэгдсэн. Ням гарагт, Африк тивээс уригдсан зургаан орны төрийн тэргүүн, Энэтхэг, Австрали болон Испанийн тэргүүнүүдтэй уулзалт явуулсан ч хэлэлцсэн асуудлын талаар мэдээлэл хараахан ирээгүй байна.