МАДУРОГ ТҮЛХЭН УНАГАХЫН ТУЛД ВЕНЕСУЭЛД ИРГЭНИЙ ДАЙН ЭХЛҮҮЛЭХ

АНУ болон өрнөдийн орнуудын авсан хориг арга хэмжээ, газрын тосны үнийн уналт, дотоодын хагарал тэмцлээс болж тун хүнд байдалд ороод байгаа Венесуэл улсад ойрын үед иргэний дайн дэгдэж магадгүй болжээ. Энэ тухай Венесуэлийн Ерөнхийлөгчийн сонгуульд нэр дэвшин өрсөлдөж байгаад ялагдан, Америк руу гарсан Пабло Медина мэдэгдсэн байна. Пабло Медина нь Майами ТВ сувгаар ярилцлага өгөхдөө "Бид чөлөөлөх армийн гол цөмийг бүрдүүлэх ажилд ороод байгаа. Зохион байгуулалттайгаар хөдөлж чадах цэрэг, офицер, цагдаа нарыг тоог гаргасан, армийн үүрүүд хэд хэдэн улсад байгуулсан" гэжээ. Цаашлаад Мадурогийн эсрэг байлдааны ажиллагаа явуулах энэхүү армидаа цэрэг хөлслөхөд одоохондоо 400 мянган доллар л цуглуулаад байгаа ч бүр их хэмжээний мөнгө тун удахгүй орж ирнэ гэдгийг онолцжээ. Паблогийн хэлж байгаагаар Мадурогийн эсрэг дайтан иргэний дайн эхлүүлэхээр бэлдэж байгаа армид нь одоогоор 10 мянган хүн байгаа аж. Байлдааны ажиллагааг буюу иргэний дайны хэдийд эхлүүлэхийг тодорхой хэлээгүй ч энэ жилдээ багтаж хөдөлнө гэсэн байна.