​МАЙКЛ ПОМПЕО КАНАД ИРГЭДИЙГ СУЛЛАХ ТАЛААР ЗӨВЛӨЛДӨНӨ

АНУ-ын Төрийн нарийн бичгийн дарга Майкл Помпео нь Хятад баривчлагдаад байгааг канад иргэдийн суллуулах арга зам хайх талаар зөвшилцөхөөр Канадын Ерөнхий сайд Жастин Трюдо, Гадаад харилцааны сайд Христе Фриланд нартай уулзах гэж байгаа тухай Төрийн департаментын хэвлэлийн албаны дарга мэдээлсэн байна.Уулзалт наймдугаар сарын 22-нд болох бөгөөд уулзалтын үеэр Канад ба АНУ хоорондын стратегийн түншлэлийн сэдвээр ярилцаж, Хятадад хоригдож байгаа хоёр иргэнийг суллах болох Венесуэлд ардчилалд тогтоох талаар ярилцана гэсэн байна.2018 оны арванхоёрдугаар сард Канадын хууль сахиулах байгууллага нь Нью-Йоркийн Дорнод тойргийн прокурорын албанаас гаргасан сэжигтэн шилжүүлэх тухай хүсэлтийн дагуу "Huawei" компанийн захирал Мэн Ваньжоуг баривчилсан юм. Ман овогтыг АНУ-ын зүгээс Ираны эсрэг авсан худалдааны хориг арга хэмжээг зөрчсөн гэж буруутган баривчлахыг хүссэн байна. Канадын эрх баригчид Мэн Ваньжоуг удалгүй барьцаагаар суллаад, Америкийн талд хүлээлгэн өгөх асуудлыг эцэслэн шийдэх хүртэл Ванкувер дахь байранд нь гэрийн хорионд гарахыг зөвшөөрсөн байгаа.Үүний хариуд БНХАУ-ын хууль сахиулах байгууллагаас нь Канадын дипломат асан, "Олон улсын хямралын бүлэг" нэртэй ТББ-ын ажилтан Майкл Ковриг, Хойд Солонгос руу аялал жуулчлал зохион байгуулдаг "Paektu Cultural Exchange" ТББ-ын тэргүүн Майкл Спэйворк нарын баривчилсан. Энэ хоёрыг Хятадын үндэсний аюулгүй байдалд аюул учруулсан үйлдэл хийсэн, өөрөөр хэлбэл тагнуулын ажиллагаа явуулсан гэж буруутгаад байгаа юм. Тагнуулын хэрэг хийсэн хүнд цаазаар авах хүртэл ял оноох боломжтой тул энэ хоёр иргэний ирээдүй тун бүрхэг байгаа. Иймд энэ хоёрыг суллах талаар нь ийнхүү хамгийн өндөр дээд түвшинд ярьж байгаа бололтой.