​1500 МЕТРЭЭС УНААД АМЬД ҮЛДЖЭЭ

Канадад 1,5 км-ийн өндрөөс унасан эмэгтэй амьд гарсан тухай "CNN" мэдээлж байна. Энэ эмэгтэй нь Квебек мужийн Труа Ривьер хотын орчим шүхрээр үсрэх үеэр ийм тохиолдол гарчээ. Онгоцыг 1500 метрийн өндөрт гарсны дараа үсрэлт хийхэд үндсэн болон туслах шүхрийн аль аль нь дэлгэгдээгүй байна. Гэвч аз болж модорхог газар унасан тул амьд үлджээ. Эмэгтэйг нугас болон бусад хэд хэдэн газар нь хугарсан гэмтэлтэй эмнэлэгт хүргээд байгаа бөгөөд эмч нар цаашид түүнийг амьдарна гэж хэлсэн байна.Энэхүү ер бусын тохиолдлын нэгэн гэрч "Энэ бол гайхамшиг. Ийм өндрөөс онгоцноос унасны дараа хүн яаж амьд үлдсэнийг таах аргагүй" гэсэн байна. Амьд үлдсэн эмэгтэй нь урд нь олон удаа шүхрээр буулт хийсэн байсан туршлагатай хүн байсан аж. Одоо цагдаа нар тус хэрэг нь хэн нэгний санаатай үйлдэл байсан эсэхийг шалгаж байна.1972 онд болсон онгоцны сүйрлээр Сербийн онгоцны үйлчлэгч Весна Вулович 10 мянга 160 метрийн өндрөөс шүхэргүй унасан ч олон тооны хугарал авч, хэдэн өдөр комд орсны дараа эргэн сэхсэн явдал гарсан байдаг. Вулович нь хамгийн өндрөөс шүхэргүй унаад амьд үлдсэн эмэгтэй гэдгээрээ Гиннесийн дээд амжилтын номонд бүртгэгдсэн байдаг. Вулович нь тэр тохиолдлын дараагаар 16 сарын турш биеийнх нь доод хэсэг мэдээгүй байгаад эмчлэгдэн эдгэрээд 44 жилийн дараа 2016 онд өөд болсон байдаг.