​ПУТИН ФРАНЦАД АЙЛЧИЛЖ БАЙНА

ОХУ-ын Ерөнхийлөгч Владимир Путин Францад улсад албан ёсны айлчлал хийж, тус улсын Ерөнхийлөгч Макронтой уулзлаа. Путин нь Франын Ерөнхийлөгчийн урилгын дагуу айлчилж байгаа юм. Хоёр улсын төрийн тэргүүн уулзалтын үеэр Орос Францын харилцааг илүү гүнзгийрүүлэх, олон улсын болон бүс нутгийн нэн чухал сэдвүүдээр санал солилцох аж.Уулзалтын үеэр төрийн тэргүүнүүд тус тусын зүгээс нэлээд хэдэн чухал мэдэгдлүүд хийлээ. Тухайлбал, ОХУ-ын Ерөнхийлөгч Путин Дунд ба ойрын зайн тусгалтай пуужинг хязгаарлах гэрээ хүчингүй болсон хэдий ч Европт АНУ нь өөрийн пуужингаа байршуулаагүй цагт Орос дундын тусгалтай пуужингаа байршуулахгүй байх үүргийг дангаар хүлээж байгаагаа мэдэгдлээ.Харин Францын Ерөнхийлөгч нь ОХУ ба Европын холбоо нь хамтран дэлхийн аюулгүй байдлын шинэ тогтолцоог бий болгох ёстой гээд үүнд Орос ба Франц, Орос ба Европын холбоо шийдвэрлэх үүрэг гүйцэтгэнэ гэдгийг онолцсон байна. Мөн Оросыг Европын гүрэн гэж мэдэгдээд Европ нь Португалийн Лиссабоноос нь Оросын Владивосток хүртэл газар нутгийг хамардаг гэдэгт итгэж явдгаа хэлсэн байна.Макрон нь хэдхэн хоногийн дараа Биаррицт болох Их долоогийн уулзалтад оролцох тул энэхүү мэдэгдэл нь тус уулзалтын үеэр зайлшгүй хөндөгдөх Орос ба Өрнө дахины асуудлыг хэлэлцэхэд Франц ямаршуу байр суурьнаас хандахыг тодорхой хэмжээгээр харуулсан гэж болно.