​МАЛАЙЗЫН БОИНГ-ЫН ШҮҮХ ХУРАЛ ХОЙШИЛНО

Украйны агаарын орон зайд, иргэний дайн болж байгаа Донбассын дээр пуужинд оногдсон сүйрсэн Малайзын MH17 рейсийн "Боинг" онгоцны хэргийг хэлэлцэх шүүх хурал хойшилж магадгүй талаар "The Star" сонин мэдээлж байна.

Учир нь, онгоцны сүйрлээр амиа алдсан малай иргэдийн эрх ашгийг хамгаалан үйл ажиллагаа явуулдаг Малайзын ТББ-ууд болон "Global Research" байгууллагаас тус хэргийг мөрдөж байгаа Мөрдөн байцаах хамтарсан бүлгийн илтгэлд "нэн чухал олон асуултын хариу үгүй байгаа тул" гээд Малайз ба Нидерландын Ерөнхий сайд нарт хандан шүүх хурлын тодорхойгүй хугацаагаар хойшлуулах хүсэлт явуулжээ.

"JUST" ТББ-ын Ерөнхийлөгч Чандра Музаффар нь "Гуравдугаар сард эхэлнэ гэж зарлаад байгаа шүүх хурлыг зогсоох нь одоогоор хамгийн чухал зорилт болоод байна" гэжээ. Мөн Олон улсын мөрдөх бүлгээс гаргасан илтгэлийн хариуд ТББ-ууд нь өөрийн гэсэн ажлын төлөвлөгөө гаргаад байгаагаа Малайзын Ерөнхий сайд Махатхир Мохаммадад өргөн барих аж.

Энэ хэргийг мөрдөж байгаа Германы хувийн мөрдөгч Йозеф Рэш нь наймдугаар сарын 16-нд сүйрэлтэй холбоотой шинэ мэдээллийг Нидерландад байрлаж байгаа Мөрдөн байцааххамтарсан бүлэгт хүлээлгэн өгөхөд бэлэн тухайгаа мэдэгдсэн. Рэш нь эдгээр мэдээллийг өмнө нь мөрдөн байцаах бүлэгт өгөхийг хүссэн боловч хүлээн авахаас татгалзаж байсан юм.

Нидерланд дахь Мөрдөн байцаах хамтарсан бүлэг нь онгоц руу пуужин харвасан хэрэгт ОХУ-ын гурван иргэн, Украйны нэг иргэнийг буруутай гэж мэдэгдсэн. Гэвч Малайзын Ерөнхий сайд Махатхир Мохамед нь мөрдөн байцаалтаас гаргасан илтгэлтэй танилцаад бодит мөрдлөг явуулж, жинхэнэ буруутныг тогтоохын оронд ОХУ-ыг улсыг ямар ч үнээр хамаагүй буруутгах зорилготой мэдээлэл цуглуулсан байна гэж мэдэгдсэн юм. ОХУ-ын Гадаад харилцааны яам ч мөн адил Мөрдөн байцаах хамтарсан бүлэг нь сүйрэлд орос иргэд хамааралтай гэх ганц ч бодит нотлох баримт дэлгэж чадаагүй гэдгийг онцлоод Оросыг буруутгасан бүх мэдэгдлийг ямар ч үндэслэлгүй гэсэн.