​ALIBABA-ИЙН САРДАА 1 ТЭРБУМ ДОЛЛАРЫН АШИГТАЙ АЖИЛЛАЖ БАЙНА

Онлайн худалдааны "Alibaba" компанийн ашиг даруй 144 хувиар өссөн тухай "RBС" мэдээлж байна. Тус компани сүүлийн гурван сарын дотор 3,1 тэрбум долларын ашигтай ажилласан нь сар бүр тэрбум доллар гэсэн үг юм.

"Alibaba"-ийн улирлын орлого 16,3 тэрбум долларт хүрсэн нь 42 хувиар өссөн үзүүлэлт. Энэ бол шинжээчдийн таамаглаж байснаас хавьгүй өндөр байна.Тус компани нь онлайн худалдаа төдийгүй хөндлөнгийн худалдагч нарт реклам сурталчилгааны үйлчилгээ үзүүлэх замаар өндөр ашигтай ажиллаж байгаа. Бараа бүтээгдэхүүн үйлдвэрлэгчид "Alibaba"-ийн мэдлийн "Taobao", "Tmall" онлайн дэлгүүрүүдэд реклам сурталчилгаа байршуулах нь өсч байгаа аж.

Сүүлийн гурван сарын дотор Хятадад ухаалаг утас ашиглан "Alibaba"-аас жижиглэн худалдан авалт хийдэг идэвхтэй хэрэглэгчдийн тоо 34 сая байснаа 755 сая болж нэмэгдсэн байна. Дагалдах брэндүүдийн хэрэглэгчдийг оруулалгүй зөвхөн "Alibaba"-ийн өөрийнх нь идэвхтэй хэрэглэгчдийн тоо гэхэд л 674 сая хүрээд байна.Гэхдээ сүүлийн үед Хятадын том хотуудын зах зээл ханаж байгаатай холбоотойгоор онлайн худалдааны өсөлт удааширсан. Иймд "Alibaba" нь бизнесээ олон эх сурвалжит болгох дээр онцгой анхаарч байгаа. Иймд "Alibaba" сүүлийн үед үүлэн тооцоолол ба тоон медиад онцгой анхаарах болсон. Мөн "Starbucks" сүлжээтэй хамтран "Hema" брэндийн дэлгүүрүүд нээж эхэлсэн бөгөөд ийм дэлгүүрийн тоо зургаадугаар сарын сүүлийн мэдээгээр 150 хүрээд байгаа. Үүнтэй зэрэгцээд жижиг хотын хэрэглэгчид рүү илүүтэй анхаарах болсон.Одоохондоо "Alibaba"-ийн ашиг орлогын гол эх үүсвэр нь гол бизнес онлайн худалдаа нь хэвээр байна.