АФРИКТ ОРОС БА ХЯТАДЫН НӨЛӨӨ НЭМЭГДЭЖ БАЙГААД АМЕРИКЧУУД СЭТГЭЛ ТҮГШИЖ БАЙНА

АНУ нь Африк тив дэх Орос ба Хятадын нөлөө улам бүр өсөн нэмэгдэж байгаа ихэд түгшиж эхэлсэн тухай "The Intercept" сонин мэдээлж байна.

АНУ-ын зэвсэгт хүчний Африк дахь командлалын тэргүүн асан тэнгисийн явган цэргийн генерал цолтой Томас Вальдхаузер ба түүний орыг авсан Стивен Таунсенд нар ийм бодолтой байгаа юм байна. Африк тив бүхэлдээ Бээжин ба Москвагийн нөлөөнд орох аюул байгаа талаар тэд анхааруулжээ. Америкийн гол хоёр өрсөлдөгч, болзошгүй дайсан гэгдсэн энэ хоёр улс нь Африк тивтэй тогтоосон эдийн засгийн харилцаа холбоогоо эрчимтэй зузаатгаж байгаа аж. Тухайлбал, БНХАУ ба Африк тивийн орнууд хоорондын худалдааны эргэлт 40 жилийн өмнө 765 сая доллар байсан бол өдгөө 170 тэрбум доллар болж нэмэгдсэн. Орос ба Африк тив хоорондын барааны эргэлт 2009 онд 5,7 тэрбум доллар байснаа 2017 он гэхэд 17,4 тэрбум доллар болж өссөн.

Ингээд зогсохгүй Орос ба Хятад нь Африкийн орнуудтай соёлын харилцаа болон цэргийн зэвсэг техникийн хамтын ажиллагаагаа улам нэмэгдүүлсээр байгаа.

Вальдхауз нь Оросын нөлөөнд орсон орнуудыг жагсаалтыг дурджээ. Тэдний тоонд Төв Африкийн бүгд найрамдах улс, Ливи, Алжир, Судан, Тунис, Мали, Ангол, Мавритани, Гвиней, Гвине ба Бисау зэрэг улсууд орсон байна. Эдгээр улсуудад Москвагийн зүгнээс зэвсэг, байлдааны техник нийлүүлж, оронд нь эрчим хүчний салбар, ашигт малтмалын олборлолтод нь оролцох болсон. Хятад нь мөн л адил зэвсэг нийлүүлж байгаа төдийгүй ойрын үед Африкт өөрийн цэргийн баазаа байгуулах төлөвлөгөөтэй байгаа аж.