​ФРАНЦЫН ГААЛИЙНХАН 1 ТОНН МАНСУУРУУЛАХ БОДИС ХУРААЖЭЭ

Францын Гавр хотын гаалийнхан нэг тонн гаруй кокаин төрлийн мансууруулах бодис хураан авсан тухай "France 24" мэдээлсэн байна. Мансууруулах бодисыг хотын нэгэн боомтоос наймдугаар сарын 13-нд илрүүлэн хураан авсан. Хууль бусаар хил давуулахыг завдсан хар тамхи нь Эквадораас гарч Бельгийн Антверпен боомтоор дайран Гаврт ирсэн байжээ. Хураан авсан мансууруулах бодис нь хар зах дээр 74 сая евро хүрнэ байж.Үүний өмнөхөн Колумбийн нийслэл Боготагийн Эль Дорадо нисэх буудалд хөлийнхөө арьсан доогуур шингэн кокаин шахан хууль бусаар нэвтрүүлэхийг завдсан 42 настай эмэгтэйг баривчилсан тухай мэдээ ирсэн. Хар тамхины мафи Испани руу мансууруулах бодис гаргуулахын тулд эмэгтэйг хөлслөн авсан байжээ.