​ДЭЛХИЙГ МӨРГӨХ ЭРСДЭЛ ӨНДӨРТЭЙ ЖИЖИГ ГАРИГ ОЙРТОЖ ЯВНА

Наймдугаар сарын сүүлээр хэмжээгээр Египет дэх Хеопсын пирамидтай ойролцоо астероид буюу жижиг гараг дэлхийд аюултай зайд ойртох тухай Америкийн "NASA" агентлаг мэдээлсэн байна. "2019 OU1" гэж нэрлэгдсэн астероид нь 160 метрийн голчтой нь Египетийн пирамидаас 20 метрээр өндөр юм. Наймдугаар сарын 28-нд "2019 OU1" нь дэлхийд сая орчим километр ойртон нисч өнгөрнө. Сая километр гэдэг нь дэлхийн хэмжээнд л асар хол санагдаж болох ч сансар огторгуйн хэмжээсээр авч үзвэл тун ойрхон зөрч байгаа хэрэг гэдийг судлаачид онцолжээ.Ийнхүү "2019 OU1"-ийг дэлхийн хажуугаар зөрсний дараа, есдүгээр сарын 9-нд "2006QV89" гэсэн өөр нэг астероид дэлхийтэй бүр ч ойр зайд нисч өнгөрөх тул мөргөлдөх эрсдэл нь бүр их. Тодруулбал, "2006QV89" астероидын дэлхийтэй мөргөлдөх магадлалыг 7000 мянгаас 1 гэж тооцсон байна. Энэ астероид одоогоор дэлхийгээс 6,7 сая километрийн зайд яваа.

Дэлхийтэй мөргөлдөх хамгийн өндөр эрсдэлтэй астероидуудын жагсаалтыг "2010RF12" гэж нэрлэгдсэн биет тэргүүлдэг. Шинжээчид энэ биет 2095 онд дэлхийтэй маш ойр зайд нисч өнгөрөх бөгөөд мөргөлдөх магадлалыг нь эрдэмтэд 16-аас 1 гэж тооцсон байна.