РИЧАРД ГИРТ ЦАГААЧДЫГ ХОЛЛИВУУД РУУГАА ЗӨӨ ГЭЖ ЗӨВЛӨЖЭЭ

Газрын дундад тэнгисийг гатлах гэж явсан олон зуун цагаачдыг осолдохоос аварсан усан онгоцыг Европын нэг ч улс хүлээн авахгүй байгаагаас задгай тэнгист долоо хонож байгаа хэрэг дэлхийн нийтийн анхаарлын төвд байна. Ардчилал, хүнлэг энэрэнгүй ёсыг дээдлэх талаар бусдад сургамж хайрлах дуртай өрнөд Европын хувьд энэ бол байж боломгүй зүйл. Тийм ч учраас олны танил алдартнууд энэхүү усан онгоцны асуудлыг нэн даруй шийдүүлэхийн тулд янз бүрийн арга хэмжээ зохион байгуулж байгаа.

Хамгийн сүүлд гэхэд Холливудын од, жүжигчин Ричард Гир цагаачдыг тээсэн усан онгоцонд хүрч, гологдсон хүмүүс тус, хүнс хүргээжээ. Үүний дараа тэрээр Италийн Лампедуза хотод "Open Arms" байгууллагаас хийсэн хэвлэлийн бага хуралд оролцож, Италийн Засгийн газарт хандан цагаачдыгхүлээн авч, орох орон олгохыг уриалжээ.

Гэтэл Италийн Засгийн газраас Ричард Гирт тун өвөрмөц хариу өгсөн байна. Италийн Дотоод хэргийн сайд, Ерөнхий сайдын орлогч Маттео Салвини нь "Өгөөмөр сэтгэлтэй саятан эр "Open Arms"-ын цагаачдын хувь тавилангийн талаар шаардлага гаргасанд бид талархаж байна. Тэр одоо цагаачдыг хувийнхаа онгоцоор Холливудэд хүргээд өөрийнхөө тансаг харшид суулгах хэрэгтэй" гэжээ.