ПАКИСТАНД ЭНЭТХЭГ КИНОГ ХОРИГЛОЖЭЭ

Энэтхэгийн эрх баригчид Жамму ба Кашмир мужийнхаа автономит статусыг хүчингүй болгосонтой холбоотойгоор Пакистан нь энэтхэг кино гаргахыг хориглосон тухай "Geo TV" суваг мэдээлж байна.

Ингээд зогсохгүй Пакистаны эрх баригчид Кашмир мужийн лалын шашинт иргэдийг дэмжих үүднээс улс даяар Энэтхэгийн соёлын бүх контентыг хориглох арга хэмжээ авахаар зэхэж байгаа тухай Ерөнхий сайдын Мэдээлэл, радио телевизийн хэрэг хариуцсан туслах Фирдус Ашиг Аван мэдэгджээ.

Үүнээс гадна Пакистан нь Энэтхэгтэй төмөр замын холбоо ба худалдаа арилжааг түр зогсоох, дипломат харилцааныхаа түвшнийг бууруулах арга хэмжээ авч, НҮБ-д хандан Энэтхэгийг шийдвэрээ өөрчлөхөд нь нөлөөлөхийг уриалсан байна.

Харин Энэтхэг нь өөрийн Жамму ба Кашмир мужийн статусыг яаж өөрчлөх нь зөвхөн дотоодын хэрэг гээд энэ талаар ямар нэн үнэлэлт дүгнэлт хийхгүй байхыг олон улсын хамтрагчдадаа уриалжээ.