ХЭТ ДУЛААРАЛ ЖИЛ БҮР ОЛОН АРВАН МЯНГАН ХҮНИЙ АМИНД ХҮРДЭГ БОЛНО

Дэлхийн хэмжээнд агаарын дулаан XIX зуунас 1,5-2 градусаар нэмэгдэхэд, хэт халуунаас болж жил бүр олон арван мянган хүн амиа алддаг болох тухай "Phys.org" сайт анхааруулж байна. Хэт халуунаас үүдэлтэй нас баралтыг багасгах үүднээс эрүүл мэндийн салбарын сайжруулж, агаар чийгшүүлэх хөрхөх системийг боловсронгуй болгож, цэвэр усны хүртээмжийг нэмлээ ч зөвхөн Хятадад гэхэд л жил болгон хэт халуунаас болж 30 мянган хүн амиа алддаг болох төлөвтэй байгаа аж. Хэрэв хэт халуунаас үүдэлтэй нас баралтыг багасгах арга хэмжээ авахгүй явбал нас баралтын тоо үүнээс 50 хувиар нэмэгдэх аюултай.

2003 онд Европт хэт халууны улмаас 70 мянган хүн амиа алдаж байсан бол 2010 оны хэт халууны үеэр Орост 56 мянган хүн цаг бусаар өөд болсон байдаг. Гэтэл энэ жилийн долоодугаар сар нь цаг агаарын ажиглалтын түүхэн дэх хамгийн халуун сар болсон тул үүнээс үүдсэн нас баралтын хэмжээ бүр ч нэмэгдэж магадгүй байна.

Одоогийн байдлаар дэлхийн хэмжээн агаарын температур аж үйлдвэржилтийн өмнөх эринээс 1 градусаар халаад байгаа юм. Үүнээс болж илүү халууны давлагаа дайрах, ган гачиг ердийнхөө удаан бөгөөд хүчтэй явагддаг болоод байгаа.