Т.БАТСҮХ: МАНАЙ ХҮҮ БИШ АЖИЛЧИД АЛБАНЫ МАШИНААР ЗУГААЛСАН

Төрийн албаны автомашиныг хувийн хэрэгцээнд ашиглахгүй байх, тусгай тэмдэглэгээ наахыг ЗГ журам гаргаж бататгасан. Гэвч энэ журмыг ЗГ-ын Хэрэг эрхлэх газрын хуулийн хэлтсийн дарга Н.Мягмар нь зөрчиж албаны хэрэгцээнд унадаг 02-07 УБЗ улсын дугаартай сонато маркийн автомашинаар хүүхдээ сургуульд хүргэж байхыг Заригийн сурвалжлах баг илрүүлсэн байдаг. Гэвч түүнд хариуцлага хүлээлгээгүй. Тэгвэл ХААИС-ийн харьяа Мал аж ахуйн эрдэм шинжилгээний хүрээлэнгийн нэр дээр бүртгэлтэй "УБВ -3303" улсын дугаартай Ланд криузер маркийн автомашинаар залуучууд зугаалж буй бичлэгийг инстаграмд нийтэлсэн байдаг. Харин Мал аж ахуйн эрдэм шинжилгээний хүрээлэнгийн захирал Т.Батсүхийн хүү "УБВ -3303" дугаартай албаны машиныг унаж зугаалсан байж болзошгүй бөгөөд Т.Батсүх энэхүү үйлдэлд дараах тайлбарыг хэлж байна.