ОРХОН АЙМГИЙН ЦЭРГИЙН ШТАБЫН ДАРГА АЖЛЫНХАА ӨРӨӨНД АМИА АЛДЖЭЭ

Өчигдөр Орхон аймгийн Засаг даргын тамгын газрын Цэргийн штабын дарга Л.Болд аймгийн захиргааны байрандаа өөрийгөө буудсан байдалтай олджээ. Харамсалтай нь тэрбээр эмнэлгийн тусламж авч чадалгүй газар дээрээ амиа алдсан байна. Хэргийн шалтгаан нөхцлийг тогтоохоор цагдаагийн байгууллага шалгаж байгаа юм байна. Энэ талаар тодруулахаар аймгийн ЗДТГ-тай холбогдсон ч "мэдээлэл өгөх боломжгүй" гэсэн тайлбар хэллээ. Эх сурвалжийн мэдээлж байгаагаар талийгаач Б нь цайны цагийн үеэр амиа алдсан бөгөөд өөр хэн нэгэн түүнтэй хамт байгаагүй гэв.

Дэд хурандаа Л.Болдыг өнгөрсөн зургаадугаар сард Батлан хамгаалахын сайдын тушаалаар Орхон аймгийн ЗДТГ-ын Цэргийн штабын даргаар томилсон юм. Л.Болд нь 1985-1988 онд ЗХУ-ын /хуучнаар/ Одесс хотын Цэргийн нэгдсэн дээд сургуулийг Артиллерийн техникч инженер мэргэжлээр төгссөн. 1988-1990 он хүртэл Ардын армийн 270-р ангид салаан захирагч, ротын захирагч 1991-1994 он хүртэл Зэвсэгт хүчний 210-р ангид Албаны даргын туслах, Албаны дарга 1998-2001 он хүртэл Зэвсэгт хүчний 186-р ангид Засварын тасгийн дарга, Галт хэрэгслийн инженер 2002-2019 он хүртэл ЗДТГ-ын Цэргийн штабт Нөхөн хангалт, тоо бүртгэлийн офицерын албыг хашиж байсан хүн юм.