ТРАМП ЮАНИЙН ХАНШ ОГЦОМ УНАСНААС ХЯТАДЫН ЭДИЙН ЗАСАГ СУЛАРНА ГЭВ

АНУ-ын Ерөнхийлөгч Дональд Трамп юанийн ханш огцом унасан явдлыг "валют ханшийг далдуур явуулга хийж унагасан алхам" гэж тодорхойлжээ. Тэрээр Twitter хуудсан дээрээ "Энэхүү ноцтой зөрчил нь яваандаа Хятадыг ихээхэн сулруулна" гэж бичсэн байна.

Хятадын Үндэсний банк нь юанийн доллартай харьцах ханшийг 6,9225 юань болтол огцом унагасан. Энэ бол 2015 оноос хойш болж байгаа юанийн ханшийн хамгийн огцом уналт юм. Хятад нь 1 долларыг 7 юань хүргэлгүй маш удаан хугацаанд тогтооон барьсан, худалдааны дайны хамгийн хурц үед ч юанийн ханшийг унагахгүй барьж байсан. Харин ийнхүү юанийн ханшийг унагаж байгаа нь худалдааны дайнд үндэсний валютаа ашиглахаар шийдсэн хэрэг гэж мэргэжилтнүүд үзэж байна. Доллартай харьцах юанийн ханш унахыг дагаад Хятадын экспорт ихээхэн өсөх бололтой.

9.Туркменд орон сууцны хөлсөө төлөөгүй төсвийн ажилтнуудын цалинг өгөхгүй

Туркмен улсын эрх баригчид төсвийн байгууллагын ажилтнуудаасаа орон сууц ашиглалтын төлбөрөө урьдчилан төлөөгүй тохиолдолд цалинг нь өгөхгүй байх шийдвэр гаргасан байна.

Үүний улмаас төсвийн байгууллагын ажилтнууд цалингаа авахдаа цахилгаан, ус, шатдаг хийн өргүй гэсэн бичгийг үзүүлдэг болоод байгаа аж. Ийм бичгийг дүүргийн холбогдох газраас авах ёстой тул хүмүүс заримдаа цалин буухаас нэг сарын өмнөөс эхлэн дугаарлан зогсох хэрэгтэй болж байна гэж бухимджээ. Зарим газар дүүргийн ажилтнууд өр төлбөргүй гэсэн баримт өгөхийн тулд 50 манатын хахууль авдаг болсон аж.