12 ЦАГИЙН ДОТОР 413 ТАХИАНЫ ДАЛАВЧ ИДЭЖ ДЭЭД АМЖИЛТ ТОГТООВ

Америкийн Жоржи мужид Тахианы далавчны үндэсний өдрийг тохиолдуулсан уралдаан явагдахад Жои Честнат гэгч оролцогч 12 цагийн дотор 413 ширхэг тахианы далавч идсэн тухай "Huffington Post" мэдээлжээ. "Mall of Georgia" худалдааны төвд болсон уралдаан 11 цагаас эхлэхэд Честнат нь 17 цаг 50 минутын үед 250 далавч идэж ялагч болжээ. Ялагч болсон түүнд дурсгалын цамц бэлэглэсэн ч тэрээр зогсохыг хүсээгүй гэнэ. Улмаар ширээний араас босолгүй үргэлжлүүлэн идсээр нэмж 163 далавч иджээ.

Жои Чеснат нь янз бүрийн хоол хурдан идэх тэмцээний ялагч гэдгээрээ алдартай нэгэн аж. Тухайлбал, 2007 онд тэрээр хот дог идэлтийн дэлхийн аваргын тэмцээнд орж ялагч болж, дараа аварга цолоо олон жил хамгаалсан. 2013 онд 10 минутын дотор 69 хот дог идэж дээд амжилт тогтоосон. 2012 онд тахианы далавч идэлтийн аварга шалгаруулах тэмцээнд ялагч болж байжээ.