ХОТЫН ДАРГЫГ ДӨНГӨЛЖЭЭ

Дэлхийн олон орны иргэд эрх баригчдынхаа увайгүй үйлдлээс болж зовж, бухимдаж байдаг ч улстөрчдөд нөлөөлж ер чаддаггүй. Харин Болив улсад байдал өөр юм байна. Энэ улсад иргэд нь эрх баригчдын хийсэн үйлдэлд дургүйцаж байгаагаа үйлдлээр илэрхийлэх эрхтэй, үүнийг нь Үндсэн хуулинд нь заасан байдаг тухай "anews.com" мэдээлж байна. Иргэдэд өгөгдсөн энэхүү эрхийг "нийгмийн шударга ёс" гэдэг аж. Нийгмийн шударга ёсны эрхийн агуу эрх мэдлээ хэтрүүлсэн улстөрчийн хөлийг дөнгөлж олон хүн цугласан газар орхиж болдог.

Тухайлбал Сан – Буэнавентура нэртэй жижиг хотын иргэд мэр Хавьер Дельгадо гэдэг эрхмийг саяхан баригдсан гүүрийн нээлтийн ажиллагаанд оролцохыг хичээнгүйлэн гуйжээ. Тэгтэл гуйлтын дагуу ирсэн эрийг цугласан хүмүүс барьж аваад модон дөнгөнд хөлийг нь хийн нэг цаг байлгаж сануулга өгчээ. Шийтгэлийн ийм арга хэмжээ авах гэж байгаа талаар дуулгаагүй тул Хавьер Дельгадо цочирдсон хэдий ч эсэргүүцэл үзүүлэн байдлыг хүндрүүлэхгүй байхаар шийдсэн гэдгээ дараа нь сэтгүүлчдэд ярьжээ. Тэрээр болсон явдалд хотын иргэдийг бус харин өрсөлдөгчдөө буруутгав. Тэд л сөрөг суртал ухуулга явуулан сонгогчдыг турхирсан гэж үзэж байгаа аж.

Хотын иргэд харин өрсөлдөгчид ямар ч хамаагүй, Хавь ер нь мэр болмогцоо хүлээсэн үүрэг, хариуцлагаа умартсан, тулгарсан асуудлын талаар уулзах цаг авах гэхэд худал ярьж удаа дараалан "бултсан" тул сануулахын тулд ийм арга хэмжээ авсан гэжээ. Дельгадо нь сонгогдсоноосоо хойш гурав дахь удаагаа дөнгөлүүлж байгаа нь энэ аж.