ХОЙД СОЛОНГОСЫГ ЗОРЬСОН ХЯТАД ЖУУЛЧДЫН ТОО ӨСЧ БАЙНА

Хойд Солонгосыг зорьсон хятад жуулчдын тоо улам өсч байгаа тухай Өмнөд Солонгосын Хөгжлийн төвийн мэргэжилтнүүд мэдээлснийг "Yonhap News" агентлаг уламжилжээ.

Умард Солонгос нь 1988 онд анхны хятад жуулчдаа хүлээн авсан байдаг. Тэр үеэр БНХАУ-ын 44 иргэн Синыйжу хотоор зочилж байсан юм. Үүнээ дараа 1990 он хүртэл Хойд Солонгост очиж үзсэн хятад жуулчдын тоо өссөөр 8752 болсон. Үүний дараанаас Хойд Солонгос нь гадаадын жуулчдыг татах тусгай бодлого явуулж эхэлсэн байдаг. Үүний ачаар 2002 он гэхэд тус улсад гадаадын 194 мянган жуулчин ирсний 62,4 хувь нь Хятадын иргэд байв.

Гэвч цөмийн туршилт хийсний дараа жуулчдын тоо огцом унасан. 2009 онд Хойд Солонгост ердөө 24 мянган хүн ирж байв. Харин Хятадын Төрийн зөвлөлийн тэргүүлэгч Вэнь Зянбао Хойд Солонгост айлчилснаас хойш 2010-2012 онд Хятад жуулчдын тоо огцом өсч 237 мянга болсон.

2018 оноос АНУ ба Хятадын харилцаа муудаж эхлэхэд Хойд Солонгосын ач холбогдол нэмэгдсэн тул хятад жуулчдын тоо ахиад өсч эхэлжээ. Улмаар 2019 оны гуравдугаар сард Хойд Солонгос нь байршуулах газар хүрэлцэхгүйн улмаас өдөрт 1000 жуулчнаас илүүг хүлээж авахгүй гэж хязгаар тогтоосон юм. Тун саяхан Хятадын тэргүүлэгч Хойд Солонгост айлчлаад ирсэн тул ойрын үед тус улсыг зорих хятад жуулчдын тоо улам ч нэмэгдэж магадгүй байгааг Өмнөд Солонгосын мэргэжилтнүүд онцолжээ.