​ҮСЭЭ БУДУУЛААД ТАВАН ӨДӨР СОХОРСОН БАЙНА

Британид амьдардаг Стеф О'Делл гэгч бүсгүй гоо сайхны салонд үсээ будуулаад 5 хоног хараагүй болж, толгой нь хавдаж, гурван дахин томорсон тухай "The Sun" мэдээлж байна.Стеф О'Делл нь үсний буудгаа өөрөө сонголгүй салоны ажилтнуудад даатгаснаас ийм хэрэг үүджээ. Уг нь энэ бүсгүй дүүгийнхээ төрсөн өдөрт оролцохоор Амстердам орохын өмнө гангарах гээд гоо сайхны салон орсон юм байна.

Үүсээ будуулахаас хоёр долоо хоногийн өмнө бүсгүй нь энэ салоноор орж, үсний будаг харшил үзүүлэхийг тодруулах сорил хийлгэжээ. Тэр үеэр салоны ажилтан нь сорил хийгээд ямар нэг гаж нөлөө илрээгүй, дээр нь будгийг 100 хувь органик бүтээгдэхүүн гэж тайлбарласан байна. Ингээд үсээ будуулсны дараа онгоцоор Амстердам хүрсэн хойно нь харшил гэнэт хөдөлжээ. Тэрээр энэ тухай "Аймшигтай байсан. Маш их өвдөж, хавдаад, би харь гаригийн хүн шиг царайтай болсон. Бүр ч таагүй юм болж болох байсан байна лээ. Ахиж хэзээ ч үсээ будуулахгүй" гэжээ.Бүсгүйг эмнэлэгт хүргэн яаралтай тусламж үзүүлсэн байна. Үүний ачаар тав хоногийн дараа хараа нь эргэн сэргэсэн байна.Стеф О'Делл нь үсний будагны найрлагад түгээмэл тохиолддог парафенилендиамин буюу PPD гэсэн бодисонд харшилтай байсан аж.