ЗЭВСЭГТ МӨРГӨЛДӨӨНИЙ УЛМААС АМИА АЛДСАН ХҮҮХДИЙН ТОО ОГЦОМ ӨСЛӨӨ

НҮБ-ын Ерөнхий нарийн бичгийн даргын илтгэлд 2018 онд дэлхийн олон оронд гарсан зэвсэгт мөргөлдөөний улмаас амиа алдсан хүүхдийн тоо "рекорд" тогтоосон болохыг онцолжээ.Амиа алдсан хүүхдүүдийн дийлэнх нь Афганистанд амьдарч байсан. 2018 онд энэ улсад зэвсэгт мөргөлдөөний улмаас 3062 хүүхэд амиа алджээ. Зэвсэгт мөргөлдөөний улмаас амиа алдсан, шархадсан хүүхдийн тоогоор хоёрдугаарт жагссан улс нь Сомали болж. Энэ улсад 2300 хүүхэд эмгэнэлтэйгээр амиа алдсан байна. Гуравдугаарт нь 1947 хүүхэд алагдсан Нигери улс орсон бол Сири ба Йеменид тус бүр 1854 ба 1689 хүүхэд алагдан удаах "байранд" орсон байна.Үүнээс гадна зэвсэгт мөргөлдөөний үеэр насанд хүрээгүй хүүхдэд бэлгийн хүчирхийлэл үзүүлсэн 933 хэрэг гарсны дийлэн нь Сомалид бүртгэгдсэн. Мөн 2018 онд хулгайлагдсан хүүхдийн тоо 2490 болсон байна. Зэвсэгт мөргөлдөөнийг далимдуулан хулгайлагдсан хүүхдийн тоогоор мөн л Сомали нэгдүгээрт орж байна. Конго, Нигери, Өмнөд Судан, Сири улсууд нь энэ үзүүлэлтээрээ удаах байруудад оржээ.