УСАН САНД ОРООД ТАРХИ ИДДЭГ ШИМЭГЧИЙН ХАЛДВАР АВЧЭЭ

Америкийн Умард Каролина мужид Эдди Грей гэгч 59-н настай эр аквапаркийн усан санд сэлээд тархи иддэг шимэгчийн халдвар авч нас барсан тухай "The Mirror" мэдээлжээ.

Эдди Грей нь долоодугаар сарын 12-нд хүмүүсийн очих дуртай "Fantasy Lake" аквапаркаар найз нарын хамт орж сэлж, зугаацсан аж. Үүнээс арав хоногийн дараа Грей нь нас барахад задлан шинжилгээгээр хийхэд тархинаас нь "Фоулерийн Неглери" гэдэг амёб илэрчээ. Усан сангийн усанд байсан амёб нь Грейгийн хамраар халдварлан тархинд нэвтрээд, тархийг нь идэж эхэлсний улмаас үхэлд хүргэсэн гэсэн дүгнэлтийг эмч нар хийсэн байнг.

Энэ нэг эст амьтан буюу амёб нь ходоод руу орвол аюулгүй ч хамрын салст бүрхэвчид хүрвэл нүдний мэдрэлээр дамжин тархинд хүрч, тэндээ тархийг идэн үржиж эхэлснэээр хүнийг үхэлд хүргэдэг. Ялангуяа дархлаа нь харьцангуй сул байдаг хүүхэд ба өндөр настнуудад хамгийн аюултай. Орчин үеийн анагаах ухаан энэхүү амёбын халдварыг бүрэн устгах чадваргүй, зөвхөн үржлийг нь тодорхой хугацаанд тогтоон барьдаг эм л бүтээж чадсан. Энэхүү амёб нь хүний биеийн температуртай ойролцоо дулаан бүхий усанд л амьдрах чадвартай тул усан сан, аквапаркт шумбах, сэлэхдээ хамраа тусгай хавчаараар хавчин хамгаалж байхыг мэргэжилтнүүд сануулжээ.