ВЕЙП ТАТСАН ХҮҮХЭД КОМД ОРОВ

АНУ-ын Вермонт мужид өсвөр насны хүүхэд вейп татаад үхэхээ дөхсөн талаар "The Mirror" мэдээлсэн байна. Хүүгийн ах нь вейп татдаг бөгөөд ууршуулах шингэнээ гудамжнаас авсан байжээ. Гэтэл дүү нь сонирхон татах үед гэнэт амьсгал нь боогдон ухаан алдсан учир эмнэлэгт яаралтай хүргэж. Эмч нар шуурхай арга хэмжээ авч, хүүхдийг зохиомол комд оруулсны хүчинд амьд мэнд авч үлдэж чаджээ. Эмч нарын хэлж байгаагаар вейп татаж зугаацсан хүүгийн зүрх, уушги нь маш хүнд гэмтсэн байна. Зориулалтын бус газраас, гар дээрээс худалдан авсан ууршуулагч шингэн нь хортой бодис агуулж байсан байна.

Үүнээс өмнө Америкийн Охайо мужийн амбан захирагч нь 21 нас хүрээгүй хүнд тамхи, тамхи татахад ашиглах зүйлс зарахыг хориглосон хууль батлаад байсан юм. Энэ хуулийн дагуу 21 нас хүрээгүй хүнд ороомог хийхэд ашигладаг цаас, ууршуулагч шингэх зэрэг тамхи татах ба вейптэй холбоотой бүх л зүйлс орсон байна.