​АМЕРИКИЙН ЗАСГИЙН ГАЗАР ЦААЗААР АВАХ ЯЛЫГ СЭРГЭЭНЭ

АНУ-ын холбооны засгийн газар нь сүүлийн бараг 20 жил гүйцэтгээгүй байсан цаазаар авах ялыг ахин сэргээхээр шийдсэн тухай тус улсын Хууль зүйн яам мэдэгджээ. АНУ-ын Ерөнхий прокурор Уильям Барр нь засаршгүй гэмт хэрэгтэн гэж тооцогдож байгаа таван хүнийг цаазаар авах ялыг гүйцэтгэх тов гаргах тушаал буулгажээ.

Тэд хүн амины хэрэг, хүүхэд ба хөгшдийн тамласан, хүчирхийлсэн гэмт хэрэг үйлдсэн хүмүүс юм байна. Хууль зүйн яамны мэдэгдэлд "Бид шударга шүүхийн системээс гаргасан шийдвэрийг гүйцэтгэх үүргийг хохирогчид болон тэдний ар гэрийн өмнө хүлээсэн" гэж дурджээ. Батлагдсан төлөвлөгөө ёсоор цаазаар авах ажиллагаануудыг 2019 оны арванхоёрдугаар сарын 9-өөс 2020 оны нэгдүгээр сарын 15-ны хооронд гүйцэтгэнэ. Ялыг пентобарбитал судсаар нь тарих замаар гүйцэтгэх аж.

Цаазаар авахуулах хүмүүс нь нэг гэр бүлийн гурван хүнийг хөнөөсөн цагаан арьстнуудыг дөвийлгөгч бүлгийн гишүүн Даниэль Льюис Ли, эмэг эхийг ач охиных нь хамт хөнөөсөн Лезмонд Митчелл, 16 охиныг хүчирхийлэн хэрцгийгээр хөнөөсөн Уэсли Иру Пурки, хоёр ойтой охиноо хүчирхийлэн хөнөөсөн Альфред Буржуа, таван хүн буудан хороосон Дастин Ли Хонкин нар юм байна.

Энэ хэрэгтнүүд өмгөөллийн давж заалдах ба шүүхийн дараах бүх л аргуудыг ашиглаад барсан тул цаазаар авахад нь юу ч саад болохгүй байгаа аж. Ялыг Индиана мужийн Террре Хот хотын шоронд гүйцэтгэнэ.

АНУ-ын холбооны засгийн газрын төвшинд цаазаар авах ялыг 2003 оноос хойш гүйцэтгээгүй байсан юм. Харин муж улсын эрх баригчид энэ ялыг гүйцэтгэх эсэхээ бие даан шийдэж байсан тул орон нутгийн төвшинд цаазаар авах ялыг үе үе хэрэглэж байжээ.