​ТРАМП 17 ТАГНУУЛ НЬ БАРИГДСАН ТУХАЙ МЭДЭЭЛЛИЙГ ҮГҮЙСГЭЛЭЭ

Ерөнхийлөгч Трамп нь Иранд Америкийн 17 тагнуул баривчлагдсан тухай мэдээллийг үгүйсгэлээ. Тэрээр "Тагнуулын төв газрын тагнуулуудыг баривчилсан тухай Ираны мэдэгдэл нь тэр чигээрээ худал. Энэ бол сүйрч байгаа, түүнээсээ болоод яахаа мэдэхээ байсан шашны харгис дэглэмийн тараасан ээлжит удаагийн худал яриа, ухуулга" гэжээ. Ингээд зогссонгүй Ираны эдийн засаг мөхсөн гэж мэдэгдсэн байна.Ираны Мэдээллийн яамны алан хядлагатай тэмцэх салбарын захирал нь хэвлэлийн бага хурал хийж, АНУ-ын Тагнуулын төв газар тусгайлан бэлтгэл хийсэн 17 тагнуулыг илчлэн баривчилсан тухай мэдээлээд байсан юм.