БРИТАНИ ЭМЭГТЭЙ БОРДОО БОЛОХЫГ ХҮСЭВ

Британид амьдардаг 51 –н настай эмэгтэй нас барсных нь дараа ялзмаг болгож ургамал бордох гэрээслэл хийсэн тухай "The Mirror" сонин бичжээ. Байгаль, хүрээлэн буй орчны бохирдлын асуудал сүүлийн жилүүдэд тун хурцадсан. Үүнийг дагаад байгаль орчноо хамгаалах уриа, хөдөлгөөн ч газар авч эхэлсий нэг жишээ нь энэ гэвэл онц хэтрүүлэг болохгүй байх.

Шанталь Кук гэгч эмэгтэй нь "Намайг байгаль орчинд хамгийн бага хор учруулах, экологийн хамгийн цэвэр аргаар оршуулаасай гэж би хүссэн юм" гэжээ. Түүнийг хүслийг биелүүлэхийн тулд нас барсных нь дараа цогцсыг нь ялзарч үгүй болдог тусгай даавуугаар ороогоод ойд булах бөгөөд дээр нь мод суулгах аж.

Кукийн төрөл садны хүмүүс түүний гэрээслэлтэй танилцаад огт цочирдоогүй гэнэ. Тэд хүмүүс байгаль дэлхийд учрууулж байгаа хохирлоо ухамсарлан ойлгох үед ялзмаг болгож оршуулах ёслол хамгийн түгээмэл болно гэдэгт итгэдэг аж.