40 ЖИЛ ТОЛГОЙГОО УГААЛГҮЙ ҮСЭЭ УРГУУЛЖЭЭ

Энэтхэгийн Бихар мужийн Мунгер дүүрэгт амьдардаг хүн 40 жилийн турш үсээ угаалгүй явсан тухай тухай "Daily Mail" сонин мэдээлж байна. Сакал Дев Тудду гэгч 65 настай энэ хүн тус сонины сэтгүүлчид ярихдаа 40 жилийнө өмнө унтаж байхад нь үс нь өөрөө олон жижиг салаа буюу дред болон сүлжигдсэн гэжээ. Тэрээр үүнийг бурханаас илгээсэн тэмдэг гэж үзээд толгойгоо угаахыг цээрлэх болсон аж. Ингээд зогсохгүй зүүдэнд нь бурхан ирж үсээ засуулах, тамхи татаж, архи уухыг нь хориглосон гэжээ.

Дев Тудду нь гудамжинд гарахдаа үсээ газар шүргэн хиртэхээс сэргийлж, толгой дээрээ овоолон цагаан даавуугаар бүтээдэг гэнэ. Тудду нь эхнэр Рупия Дэви, гурван охин, гурван хүү, долоо ачийн хамт өнөр өтгөн гэр бүлд амьдардаг. Эхнэр нь түүний гадаад байдлыг хэзээ ч шүүмжилж буруутгаж байгаагүй гэнэ. Тэрээр Ойн аж ахуйн албанд 31 жилийн турш ажиллаж байгаа. Мөн бурханы үгийг ягштал баримталдаг гэдгээрээ алдартай тул тосгоны оршин суугчдыг үргүйдлээс эмчилдэг гэнэ.

Кени улсын уугуул Аше Манделе дэлхийн хамгийн урт дредтэй хүнээр шалгарсан байдаг. 2018 онд Ашегийн үсний урт 17 метр байжээ.