ПАКИСТАН УЛС ЗЭЭЛИЙН ХҮҮНД ДНБ-ИЙХЭЭ ТЭН ХАГАСЫГ ӨГДӨГ

Долоодугаар сарын 16-нд Пакистаны Засгийн газрын хуралдааны үеэр Ерөнхий сайд Имран Хан нь тус улсын гадаад өр зээлийн хэмжээ хэрээс хэтрээд зөвхөн зээлийн хүүг төлөхөд л улсынхаа ДНБ-ийн тэн хагасыг зарцуулдаг болсон тухай мэдэгдэл хийжээ.

Үүнээс болоод төрийн албадын үйл ажиллагаа алдагдахад хүрсэн байна. Улмаар Засгийн газар нь эдийн засгаа тогтворжуулах, татварыг нэмэгдүүлэх маш хатуу арга хэмжээг авч хэрэгжүүлэхээс өөр аргагүй болсон аж. Тухайлбал, татварын орлогогыг нэмэгдүүлэхийг тулд улсын хэмжээнд бүх компаниуд, түүний дотор хамгийн жижиг компанийг ч орхигдуулалгүй нэгбүрчлэн бүртгэх шаардлгататай байгааг Имран Хан онцолжээ. Улмаар компанийн төлөх татварын хэмжээг тодорхойлохдоо эзнийх нь хөрөнгө чинээ төдийгүй үйл ажиллагаа явуулдаг бүс нутгийнх нь асуудлыг давхар тооцон үзсэний үндсэн дээр тодорхойлж байхаар болсон аж.

Ийм хүнд байдалд байгаа хэдий ч Пакистан нь нийгмийн эмзэг давхаргынханыг орон сууцжуулахад зориулсан хөнгөлттэй зээлийн хөтөлбөрийг удахгүй Засгийн газраар хэлэлцүүлэхээр оруулж ирэх гэж байгаагаа мэдэгдсэн байна. Пакистаны ДНБ 2018 оны байдлаар 312, 5 тэрбум доллар байсан. Пакистаны гадаад өрийн 25 хувь нь БНХАУ-д ногддог.